अपघातग्रस्तांसाठी देवदूत बनले पत्रकार मुन्नासिंह ठाकूर! ‘मृत्युंजय दूत’ सन्मानाने गौरव; महामार्गावरील जखमींच्या मदतीतील धाडसी कार्याची पोलीस विभागाकडून दखल*सडक अर्जुनी : महामार्गावर अपघात झाला की काही क्षणांत परिस्थिती गंभीर बनते. अशा वेळी मदतीसाठी पुढे येणारा प्रत्येक हात एखाद्याचा जीव वाचवू शकतो. अपघातग्रस्तांच्या मदतीसाठी सातत्याने धावून जाणारे पत्रकार गुरुदेवसिंह उर्फ मुन्नासिंह ठाकूर यांचा त्यांच्या उल्लेखनीय सेवाभावी कार्याची दखल घेत ‘मृत्युंजय दूत’ सन्मानचिन्ह व प्रमाणपत्र देऊन विशेष गौरव करण्यात आला.स्वातंत्र्यदिन, दि. १५ ऑगस्ट २०२६ रोजी सकाळी १० वाजता महामार्ग पोलीस केंद्र डोंगरगाव, जिल्हा गोंदिया येथे हा गौरव सोहळा पार पडला. महामार्ग पोलीस प्रादेशिक विभाग, नागपूरचे पोलीस अधीक्षक डॉ. लोहित मतानी यांच्या मार्गदर्शनाखाली हा उपक्रम राबविण्यात आला. अपघातग्रस्तांना तातडीने मदत करणाऱ्या नागरिकांचा आणि सेवाभावी व्यक्तींचा यावेळी सन्मान करण्यात आला.*बातमी करण्याआधी माणूस वाचवणे महत्त्वाचे!’*पत्रकार म्हणून घटनास्थळी पोहोचल्यानंतर केवळ बातमी किंवा छायाचित्रण न करता जखमी व्यक्तीला तातडीने मदत मिळवून देणे, पोलिसांना माहिती देणे, वैद्यकीय मदत उपलब्ध करून देण्यासाठी प्रयत्न करणे आणि जखमीला रुग्णालयापर्यंत पोहोचविण्यासाठी पुढाकार घेणे, या कार्यामुळे मुन्नासिंह ठाकूर यांची ‘मृत्युंजय दूत’ म्हणून निवड करण्यात आली.*पत्रकारितेच्या पलीकडे जाऊन माणुसकीला प्राधान्य देणाऱ्या या कार्याचा पोलीस विभागाने केलेला गौरव निश्चितच प्रेरणादायी ठरला आहे.**पाच ‘मृत्युंजय दूतांचा’ सन्मान*यावेळी अपघातग्रस्तांना मदत करणारे गुरुदेवसिंह उर्फ मुन्नासिंह ठाकूर, सेंदुरवाफा टोल नाक्याचे व्यवस्थापक संजय रॉय. सुरज सोनवणे, सागर कोटांगले, शैलेश थेर यांना सन्मानचिन्ह व प्रमाणपत्र देऊन गौरविण्यात आले.अपघातग्रस्तांच्या मदतीसाठी वेळ न दवडता पुढाकार घेणाऱ्या या ‘मृत्युंजय दूतां’मुळे समाजात ‘अपघातग्रस्ताला मदत करा—जीव वाचवा’ हा सकारात्मक संदेश पोहोचला आहे.*स्वातंत्र्यदिनाचा उत्साह; पोलीस केंद्रात ध्वजारोहण*महामार्ग पोलीस केंद्र डोंगरगाव येथे सकाळी ७.१५ वाजता राजू बस्तवाडे यांच्या हस्ते ध्वजारोहण करण्यात आले. यावेळी पोलीस उपनिरीक्षक रंजित मट्टामी, अनेश राठोड, संजय संतोषवार यांच्यासह १७ पोलीस अंमलदार व परिसरातील प्रतिष्ठित नागरिक उपस्थित होते.यावेळी सडक-अर्जुनी तालुक्यातील पत्रकार बांधवांचे पुष्पगुच्छ देऊन स्वागत व शुभेच्छा देण्यात आल्या.*ऑपरेशन यू-टर्न’ने अपघात रोखण्याला वेग*रस्ते अपघातांचे प्रमाण कमी करण्यासाठी डॉ. लोहित मतानी यांच्या मार्गदर्शनाखाली ‘ऑपरेशन यू-टर्न’ अंतर्गत जिल्ह्यात विविध ठिकाणी नाकाबंदी करण्यात येत आहे. वाहनचालकांमध्ये व्यापक जनजागृतीही करण्यात येत असून वाहतूक नियमांचे पालन करण्याचे आवाहन करण्यात येत आहे.मागील दोन महिन्यांत जिल्ह्यात अपघातांचे प्रमाण कमी झाल्याची माहिती सहाय्यक पोलीस निरीक्षक राजू बस्तवाडे यांनी दिली. महामार्गावरील खड्ड्यांच्या दुरुस्तीसाठी संबंधित विभागाशी पत्रव्यवहार करण्यात आला असून रस्ते दुरुस्तीची कामे सुरू असल्याचेही त्यांनी सांगितले.*सन्मान एका व्यक्तीचा; संदेश संपूर्ण समाजासाठी!*पत्रकार मुन्नासिंह ठाकूर यांना मिळालेला ‘मृत्युंजय दूत’ सन्मान हा केवळ एका व्यक्तीचा गौरव नसून, संकटाच्या क्षणी मदतीचा हात पुढे करणाऱ्या प्रत्येक संवेदनशील नागरिकाचा सन्मान आहे.अपघातग्रस्ताला मदत करण्यासाठी पुढे येणे हीच खरी मानवता आणि एखादा जीव वाचवणे हीच सर्वात मोठी समाजसेवा! या भावनेला बळ देणारा हा सन्मान सोहळा ठरला.असे राजू बस्तवाडेसहाय्यक पोलीस निरीक्षकमहामार्ग पोलीस केंद्र डोंगरगाव, जिल्हा गोंदिया यांनी पत्रकार बांधवांसी बोलतांना सांगितले ह्या कार्यक्रमात सडक अर्जुनी तालुकातील. शहीद पटेल.बबलू मारवाडे.सुशील लाडे. चंद्रमुनी बनसोड. ओमप्रकाश टेंभुर्णे. आर.वी.मेश्राम सर.अनिल मुनीश्वर. निलेश शहारे.मुन्नासिंह ठाकूर.चव्हाण सर व पत्रकार बांधव मोठ्या संख्येने उपस्थित होते
